Zorongo artxoia
"Hi gorringo" esan nion neure buruari, eta "Hi, zorongo" esan dit Gatzolak (guti goiti-beheiti), nire agurrari erantzunez, gozo. Hala, zorongo zer den erakutsi dit/digu (nik behintzat ez nekien), eta altxirri ere bai (idem).
Ez dakit zergatik, gazte-hizkeraren inguruan berriki egindako jardunaldiak etorri zaizkit niri gogora (ez nintzen bertan izan), eta adierazkortasun-premia, eta...
Esango nuke, hain aspaldi ez dela, herriaren altxorretik erraz ateratzen genituela elkarri zirika aritzeko solasak, eta orain askoz nekezago ari garela horretan; goroldioa harturik ditugula halako harriak.
Zer eta artxoi hitza etorri zait oraintxe gogora. Norbait astokilo samarra bazen edo baldar samar moldatzen bazen, demonio artxoia, hi! esango genion igual. Uste nuen hiztegiren batean etorriko zela, baina ez. Nik ezagutzen ditudanetan, basta du hurbilena: mando edo astoari gainean karga eramateko jartzen zaion zurezko egitura.
Oraindik bagara artxoi batzuk...
Zuen (noren?) baimenarekin, ez dut nire izena agertuko, eta Igorringo edo Igor Ingo ezizena erabiliko dut. Emango ditudan gainerako datuak, hori bai, egiazkoak dira. Gizonezkoa naiz, nafarra sortzez, eta 40ak duela pare bat urte jo nituen. Hizkuntza dut lanbide, eta zaletasun ere bai, beste batzuekin batera noski. Zerbait itxurazko idazten badut, eta inork zerbait erantzuten badu, izango dugu elkarren berri. (Irudia: Michal Batory, 2004).
Igor Ingo dijo
Googleen begiratu, eta hara! Badago adibide bat 'artxoi' hitzarena. Ea hemendik sar daitekeen: http://tinyurl.com/95gcu
16 Mayo 2005 | 11:38 PM