Berridos do sur

Feche e mudanza

2007-11-06T07:03:38+00:00

Levaba un tempo querendo cambiar, ter un dominio propio onde poder facer o que Arturo Cousino denomina "plantación de webs" (eu voulle chamar "leira de webs") e outros experimentos.

Así que abro unha nova etapa na que tenterei ser menos rosmón. Polo de agora, sigo nun novo blog que non ten nin nome... pero terá.

We Endure, ferramenta web para os deportistas

2007-11-06T07:03:32+00:00

Hai uns días que vira unha web para levar un rexistro persoal de marcas deportivas.

Case sempre que vexo algunha nova web deste tipo teño o mesmo problema: non hai unha motivación detrás para utilizala, polo que avaliala faise máis difícil. Ah! pero hoxe comencei a nadar, por recomendación do fisioterapeuta; así que xa teño unha escusa perfecta para abrirme unha conta.

E como non podía ser doutro xeito, para calquer web 2.0 que se precia, podes engadir etiquetas as túas marcas.

Será útil? o tempo dirá. Eu, mentras tanto, vou ver se paso de lorcho a atún.

Paella, flamenco, sangría, typical Galician!!!

2007-11-06T07:03:31+00:00

María déixame unha "provocadora" mensaxe no correo: Galicia is Spain! Eu non entendo nada e como xa non está conectada, aproveito para botar unha ollada ás súas fotos de Montreal, onde por fin atopo a explicación a tan estrana mensaxe.

Non puiden evitar visitar a web de Casa Galiza in Montreal. Ofrecen paellas, zarzuelas e outros pratos típicos galegos mentras escoitamos flamenco (Tomatito e Xosé Manuel Budiño xa!!).

Ah! teñen algo moi galego "Market Fish, price by market price", para cascarlla aos turistas despistados??

... e agora lembro que hai anos xa rira moito co restaurante galego aflamencado.

P.D. O dono galego está casado cunha portuguesa... están tolos estes galegos!

todo isto ten sentido

2007-11-06T07:03:30+00:00

Todo isto ten un sentido…

Xornais en galego, problemas de usabilidade para os blogueiros.

2007-11-06T07:03:23+00:00

Cando cito unha nova procuro enlazala á traduzón en galego, agora que teño a oportunidade. Pero estes sitemas de traduzón (De Dimensiona e Vieiros e o de Imaxin e A Voz) teñen algúns problemas de usabilidade para blogueiros.

O sistema de Dimensiona e Vieiros utiliza marcos, polo que coller a URL significa acceder ao código fonte da páxina e identificar o cacho de código correspondete. Poder, pódese facer; pero o traballo preciso é tan grande en comparación cun copia e pega da URL orixinal que choca frontalmente coa lei universal do mínimo mínimo esforzo. Os usuarios somos preguiceiros.

La Voz e Imaxín teñen un sistema que funciona mellor, xa que a URL da nova traducida é a que vemos na barra do navegador. Aínda así as novas da hemeroteca e do buscador non amosan tal botón de traduzón, aínda que si é posíbel traducilos fedellando nas URL. E non todo o mundo le ou cita as novas no mesmo día que se publican.

Eu lles pediría A Voz que me puxeran unha cookie para que sempre que accedese ao seu xornal detectase automáticamente que quero a versión en galego.

Aínda que postos a pedir máis, pediría simplemente que houbera máis novas escritas orixinalmente en galego.

Quen puidera estar en Montreal

2007-11-06T07:03:19+00:00

Eu fico aquí, pero estarei pendente das aventuras de María en Montreal.

A sinceridade de Caixa Galicia

2007-11-21T05:04:08+00:00

No día das letras galegas, a Fundación Caixa Galicia publicou un anuncio que dicía

Para nós as letras son algo máis que palabras

daquela, que outras cousas poden ser as letras?

O dicionario Estraviz di:
Letra: Documento de uma operaçom de câmbio.

O dicionario da RAG di:
Letra (de cambio). Documento polo que unha persoa se compromete a pagar a outra certa cantidade de diñeiro.

Ca! que as letras eran algo máis que palabras xa o sabiamos todos os que temos créditos ou hipotecas en Caixa Galicia. Obrigado pola sinceridade!

Primeira entrada dende A Marmita

2007-11-06T07:03:09+00:00

Wifi de acceso libre.
Rúa Orzán, 114. A Coruña.

Onde queda A Marmita?

E de súpeto entra Amalia con outro portátil… (e non houbera ningún máis despois do técnico de R)

Transporte metropolitano da Galiza

2007-11-06T07:03:02+00:00

Os logotipos son algo máis que un debuxo e deben ser capaces de comunicar unha idea, de deixar a pegada da empresa ou institución.

Javier, pai de Roi, referiume a un logotipo que comunica unha idea como poucos:

Sae por patas!!

(ou "sae correndo", "mellor vas camiñando"...)

Galego, posoloxía: unha vez ao ano (tomar con moderación)

2007-11-06T07:02:28+00:00

Actualización: o Día das Letras Galegas ponme de mal humor. Mellor tentar comenzar os días sorrindo. Fora mal humor, fora...

O día das letras galegas semella cada vez máis unha ocasión perfecta para amosar un compromiso descomprometido co galego. Os xornais sacan portadas en galego e as empresas anuncianse no noso idioma. Unha dose de galeguismo unha vez ao ano é dabondo para curar todos os males.

~~La Voz anuncia con moito bombo que desde hoxe xa é posíbel ler o seu xornal en galego.Non, home, non… isto xa o viñamos facendo dende hai uns meses~~ grazas á Vieiros e Dimensiona.

~~Seica a iniciativa de~~ Vieiros e Dimensiona ~~tivo o seu impacto e A Voz tivo que reaccionar. Espero que isto lles faga ver que ~~hai unha demanda de prensa en galego~~.~~

Na miña opinión, sen embargo, mentras o Gran Timonel, o Gran Irmán ou o Mahdi da prensa galega (que cada que lle busque o seu nome) sigo impoñendo unha visión personalista no xornal máis importante do país, imos ter que esperar.

Cristina Losada contraataca

2007-11-06T07:02:06+00:00

Co asunto das "galescolas", Cristina Losada tiña que rosmar (benvida ao clube, Cristina). Pensei que ía ser en Liberdade Dixital, pero non, foi no Faro de Vigo (La inmersión ligüística del gallego en Primaria).

Esto de ser mártir que duro che é.

Visto en Super Mamy (e que coas ganas de ver a Roi agora ata leo blogues sobre maternidade).

Cambio de perspectiva: o galego falanno 200 millóns de habitantes

2007-11-06T07:02:02+00:00

Hai algo máis de seis anos botei uns meses traballando en Andorra. Tiña moito compañeiro portugués de Valença, Chaves, Viana do Castelo e outros lugares preto da raia. Tamén había moito ourensán. Foi a primeira vez que me decatei da fluidez da comunicación entre galegos e portugueses e cando comencei a pensar que falabamos o mesmo idioma con distinta pronúncia.

Hoxe sentín a curiosidade de ver o número de ligazóns que apuntaban a dous dicionarios galegos: o dicionario da Xunta (con 25 ligazóns) e o dicionario reitengracionista Estraviz, (con 27 ligazóns). Aledoume ver que ten máis ligazóns o dicionario Estraviz e confío en que signifique que estamos a mudar de perspectiva.

Deberiamos pensar no galego reintegrado coas mínimas connotacións políticas posíbeis. Cando sexamos capaz de vernos como un país no que se falan dous idiomas con 600 millóns de habitantes, decatarémonos do tremendo potencial que temos. Históricamente os lugares por onde ten fluido a información tenderon a prosperar e nós temos a oportunidade de facer de ponte entre a Lusofonia e o mundo hispanofalante. E se non o somos non é culpa de Madrid: a responsabilidade é exclusivamente nosa.

Fotos, máis fotos

2007-11-06T07:01:45+00:00

Hoxe a miña rede social ampliouse un pouco máis; hoxe tiven dous novos contactos do Flickr dos que gostei moito das súas fotos: Manolinho Captura e Suso Rubio (recomendovos que lles botedes unha ollada).

Protesta contra a SGAE

2007-11-06T07:01:38+00:00

Se tes un billete e un bolígrafo, exprésate en contra da SGAE.

Xa son moitos os que están a espallar esta idea.

E non teñades medo, que os billetes non perden validez.

Galego, pais, otto e mezzo e un Rioja reserva do 2001

2007-11-06T07:01:33+00:00

Isaac dime que van ser pais, descubro dúas bitácoras en galego na coctelera, soa La Passarela di Otto e Mezzo de fondo e me estou a beber un Rioja reserva do 2001... veña un sorriso para rematar un día de traballo.

Costa da Morte en Madrid

2007-11-06T07:01:14+00:00

Barrio do Pilar, Madrid. Saio do metro e unha rapaza sudamericana me pregunta:

-Disculpe, sabe dónde queda una plaza o calle de Corcu,Corcu… Corcuón o algo parecido.
-Corcubión, sí. Se dónde está ¡vengo de allí! (licencia literaria, xa que en realidade viña de Oleiros, pero o día anterior si tivera estado en Corcubión). Eso sí, no tengo ni idea de dónde está la plaza.

Non pareceu comprender nada, pero pouco importa. Foi unha desas casualidades que che fan sorrir o resto do día.

Galiza? Galicia?

2007-11-06T07:01:01+00:00

Fedellando no meu Flickr, comencei a meter as fotos en grupos. Para as de temática galega busquei os grupos Galiza e Galicia.

O grupo más activo? Galiza, con 123 membros fronte a 109, e 2420 fotos fronte a 1460.

E todo isto tendo en conta que a xente de fora do país probablemente se una ao grupo Galicia.

Semella que hai unha fenda xeneracional na visión do país, pero que cada quen saque as súas conclusións (para o que é imprescindible botarlle unha ollada ao tremendo traballo que está a facer Calidonia).

La Voz de Calaza

2007-11-06T07:00:34+00:00

Visto en Tempos Novos, número de abril do 2006.

Pescanova Nunca Máis

2007-11-06T07:00:23+00:00

Paralizouse a construcción da piscifactoría de Touriñan. Parabéns Costa da Morte!

Pescanova non me dá ningunha pena, xa que acaba de anunciar que tiveron un 70% máis de beneficios que o ano anterior. Ademáis, foron uns miserables pagando 1€/m2 aos veciños de Touriñan.

Pero escoitando no Telexornal aos veciños falando dos ecoloxistas e do mal que lles fixeron por impedir a construcción deste monstruo de 350.000 metros cadrados (pertencentes á rede Natura 2000, por certo), un pensa que hai moito que facer (a solución é sinxela: a Xunta pon un par de bares e xa temos os mesmos postos de traballo).

A Xunta, Asociación Neria e o Concello de Muxía teñen a obriga de potenciar este espectacular paisaxe para que os veciños poidan vivir do seu patrimonio natural sen ter que vendelo a empresas sen escrúpulos.

Malí en Santiago

2007-11-06T07:00:14+00:00

Hoxe toca Toumani Diabate no Auditorio de Galicia.

Disque Toumani Diabate é á kora o que John Coltrane foi ao saxofón; así que xa sabedes: hoxe temos concerto dun músico excepcional.